"Брайтон"ни бошқараётган италиялик мутахассис Роберто Де Дзерби айни дамда "Бавария"нинг янги бош мураббийи лавозимига асосий номзод бўлиб турибди. Бу ҳақда Bild хабар бермоқда.
Манбага кўра, Мюнхен клуби спорт директори Макс Эберль аллақачон Де Зерби билан учрашув ўтказган. Таъкидланишича, музокара жараёни муваффақиятли якунланса, "Бавария" 44 ёшли мураббий билан шартнома муддатидан олдин бекор қилингани учун "Брайтон"га товон пули сифатида 12 миллион евро тўлашга тайёр.
Эслатиб ўтамиз, аввалроқ ОАВда "Бавария" раҳбарияти амалдаги бош мураббий Томас Тухелни клубда сақлаб қолиш ниятида экани ҳақида хабарлар тарқалган эди. Бироқ германиялик мутахассис жорий мавсум якунида мюнхенликлар сафини тарк этишини айтди.
