"Бетис"нинг таянч ярим ҳимоячиси Гидо Родригес ёзда Каталониянинг "Барселона"сига ўтмаслиги мумкин. Аввалроқ "кўк-анорранглилар" ярим ҳимоячини эркин агент сифатида ўз сафига қўшиб олишга яқин турганди.
Журналист Фабрицио Романонинг фикрича, бош мураббий Хави Эрнандес билан боғлиқ вазият туфайли Родригеснинг трансфери амалга ошмай қолиши мумкин. Эслатиб ўтамиз, мураббий “Альмерия” билан ўйин олдидан ўтказилган матбуот анжуманида “Барселона”нинг келажаги ҳақидаги пессимистик сўзлари учун яқин кунларда истеъфога чиқарилиши мумкин.
Эътибор беринг, Родригеснинг трансферига айнан Хави ташаббус кўрсатган. Агар мураббий ишдан бўшатилса, раҳбарият 30 ёшли ярим ҳимоячини таклиф қилиш ҳақидаги фикрини ўзгартириши мумкин.
