Алексис Макаллистер "Реал"га ўтиши мумкин.
Мадрид клуби аргентиналик ярим ҳимоячига қизиқиш билдирмоқда, дея хабар беради Sky Sports. "Ливерпул"даги манбалар клубга футболчи бўйича бир нечта сўровлар бўлганини тасдиқлади, аммо ҳозирча ҳеч қандай расмий таклиф тушмади.
"Реал Мадрид" Макаллистерни бу йил эмас, келаси йил сотиб олиш вариантини кўриб чиқмоқда - ўшанда Лука Модрич ва Тони Кроос катта эҳтимол билан испан жамоасини тарк этишади.
Макаллистернинг шартномасида кўрсатилган товон пули 70 миллион еврони ташкил қилади.
Премьер-лиганинг жорий мавсумида 25 ёшли ярим ҳимоячи 32 та ўйинда майдонга тушиб, 4 та гол ва 5 та голли узатмани амалга оширди.
