Саудия Арабистонида Лионель Мессининг номи Криштиану Роналду ўйинида яна тилга олинди.
Саудия Арабистони чемпионатининг 32-турида “Ан-Наср” ўз майдонида “Ал-Ҳилол” билан дуранг ўйнади (1:1). Биринчи дақиқадаёқ Роналду голли узатмани амалга оширган бўлса, 100-дақиқада меҳмонлар ҳисобни тенглаштиришди.
27-дақиқада португалиялик гол уриш имкониятини қўлдан бой берди - унинг жамоадоши қанотдан оширилган узатмада уни дарвозабон билан яккама-якка вазиятга чиқарди, бироқ тўп Криштианунинг оёғига бўйсунмади.
Ўйин охирида ижтимоий тармоқларда Роналду майсазорда ўтириб, руҳий тушкун кўринишга эга бўлган видео пайдо бўлди, “Ал-Ҳилол” мухлислари эса "Месси! Месси!" дея бақиришди.
