Томас Тухель "Хоффенхайм"дан учралган мағлубият (2:4) ҳақида фикр билдирди.

"Биз ўйинни яхши бошладик, дастлабки 15 ёки 20 дақиқа, лекин кейин индивидуал хатоларга йўл қўя бошладик. Иккинчи бўлимда ҳам шундай бўлди: биз яхши бошладик, кейин индивидуал хатолар бўлди.

Биз кўпинча тўпни йўқотиб қўйдик ва рақибларга ўйинга қайтишга имкон бердик. Ҳар бир голда биз жуда ёмон ҳимояландик ва ўйинни ютқаздик. Яна бир мутлақо кераксиз мағлубият.

"Штутгарт" устидан йирик ҳисобда ғалаба қозонишимиз мумкин эди, бироқ икки бор тўп ўтказиб юбордик ва ўйинда мағлуб бўлдик. Меҳмонда "Хайденхайм" билан ўйин ҳисобни 3:0, 4:0, 5:0 қилишимиз мумкин эди, аммо 2:3 ҳисобида мағлуб бўлдик. Бугун ҳам худди шундай. Бу жуда тез-тез содир бўлади", - деди "Бавария" бош мураббийи.