"Фиорентина" жамоаси бош мураббийи Винченцо Итальяно унга "Наполи"дан қизиқиш борлиги ҳақида гапирди.
"Ўйлайманки, "Наполи" президенти ўша ёзда клубга қўнғироқ қилган эди, лекин клуб уни мен билан боғланишига рухсат бермади, шунинг учун у бошқа чора кўрмади. Де Лаурентис ўзини жентльмендек тутди, мен уни жуда ҳурмат қиламан ва бу ҳақда билганимдан кейин бу янада ортди" - деди "Фиорентина" устози.
"Наполи" жорий мавсумда учта мураббийни ўзгартирди. Жамоани ҳозирда Франческо Кальцона бошқармоқда, бироқ у ҳам шу ёзда жамоадан ҳайдалиши мумкин.
"Наполи" 37 турда 52 очко жамғарган ва турнир жадвалида 9-ўринда бормоқда. Неаполликлар сўнгги турда "Лечче" билан учрашадилар, ўйин 26 май куни бўлиб ўтади.
