"Манчестер Юнайтед" бош мураббийи Эрик тен Хаг "қизил иблислар"нинг келаси мавсумда Чемпионлар лигасида иштирок этмаслиги уларнинг янги футболчиларни қўлга киритишига салбий таъсир кўрсатишига ишонмайди.
"Албатта, энг юқори савияда ўйнаш истаги бор, лекин агар сиз "Манчестер Юнайтед" каби клуб лойиҳасининг бир қисми бўлишни истасангиз, унда мен "Манчестер Юнайтед" ҳар бир футболчи учун жозибали клуб эканлигига ишончим комил", - деди Тен Хаг Daily Mail билан суҳбатда.
Эслатиб ўтамиз, Англия Премьер-лигасининг 37-туридан сўнг "қизил иблислар" 57 очко жамғариб, саккизинчи ўринда, Чемпионлар лигасида ўйнаш ҳуқуқини берадиган тўртинчи ўриндан 11 очко ортда қолмоқда. АПЛнинг сўнгги турида "Манчестер Юнайтед" "Брайтон" билан ўйнайди. Учрашув бугун, 19-май куни бўлиб ўтади.
