Иван Юричнинг таъкидлашича, «Торино» «Милан»ни мағлуб этиб, халқаро турнирга йўлланма олса ҳам, бу унинг кетиш қарорини ўзгартирмайди.
"Йўқ, бу ерда ишлашим учун қулай шароитлар йўқ. Менга бирдамлик ёқади, лекин ажойиб мавсум бўлса ҳам, бу ерда тинимсиз баҳс-мунозаралар ва танқидлар бўлди. Мен кўпроқ қувончни хоҳлайман ва бу ерда қувонч йўқ.
Президентга қарши ҳам ҳар доим норозилик намойишлари бўлиб турарди. Сиз нарсаларни ўзгартиришга ҳаракат қиласиз, лекин бир мунча вақт ўтгач, бу маъносиз эканлигини тушунасиз", – деди Юрич.
Хорват жамоани 2021 йилнинг ёзидан бери бошқариб келаётганди. Клуб 35 турда 47 очко жамғариб, Италия чемпионати турнир жадвалида ўнинчи ўринда бормоқда.
