ФИФА мутахассислари Ўзбекистон мезбонлик қиладиган 2024-йилги футзал бўйича Жаҳон чемпионатига тайёргарлик жараёнини кўздан кечиришда давом этмоқда.
Юртимиз сўнгги йилларда ФИФА ва ОФК миқиёсидаги нуфузли мусобақаларни қабул қилиш юзасидан катта қадамларни ташламоқда. Хусусан, 2024-йилги футзал бўйича Жаҳон чемпионати мезбонлиги бу йўналишдаги сайи-ҳаракатларнинг муҳим босқичига айланди. Турнирга тайёргарлик ишларини кўздан кечириш мақсадида ФИФА ва ЎФА делегацияси вилоятимизга ташриф буюрди.
Ишчи гуруҳ Бухоро вилоятида янги қуриб битказилётган “Универсал” спорт мажмуасидаги барча шарт-шароитлар билан таништирди.
Арена майдонини жаҳон стандардларига мос тарзда тайёрлаш ҳамда жамоаларнинг кийим алмаштириш хоналари, офислар, медиа марказ, камералар учун платформалар ва бошқа зарурий шароитлар ФИФА талабларига мувофиқ ташкил этилиши бўйича фикрлар алмашилди.
