"Челси" бош мураббийи Маурисио Почеттино АПЛнинг 38-турида "Борнмут"га қарши ўйиндан (2:1) сўнг жамоадаги илк мавсуми ҳақидаги таассуротлари билан ўртоқлашди.
"Менимча, биз мавсумни ажойиб тарзда якунладик. Кайседонинг ажойиб голи. Мен бундай голларни кўп кўрмаганман, бу истеъдод. Биз бундай вазиятлар учун машқ қилмаймиз.
Мавсум бошланиши қийин кечди. Сўнгги бир неча ой ичида қандай ўйин кўрсатганимиздан мамнунман. Биз катта нарсалар учун курашишимиз мумкин.
"Челси"да биз ғалаба қозонишни, кейинги мавсумда юқорироқ бўлишни ва клубни муносиб ўринга қўйишни истаймиз", - деди Почеттино BBC билан суҳбатда.
Англия Премьер-лигаси мавсумида 38 та ўйин натижасига кўра, Лондон клуби ҳисобида 63 очко бор. Лондонликлар олтинчи ўринни эгаллади. Эслатиб ўтамиз, “Манчестер Сити” кетма-кет тўртинчи бор АПЛда ғалаба қозониб, Англия чемпионига айланди.
