"Chelsi" bosh murabbiyi Maurisio Pochettino APLning 38-turida "Bornmut"ga qarshi o‘yindan (2:1) so‘ng jamoadagi ilk mavsumi haqidagi taassurotlari bilan o‘rtoqlashdi.
"Menimcha, biz mavsumni ajoyib tarzda yakunladik. Kaysedoning ajoyib goli. Men bunday gollarni ko‘p ko‘rmaganman, bu iste’dod. Biz bunday vaziyatlar uchun mashq qilmaymiz.
Mavsum boshlanishi qiyin kechdi. So‘nggi bir necha oy ichida qanday o‘yin ko‘rsatganimizdan mamnunman. Biz katta narsalar uchun kurashishimiz mumkin.
"Chelsi"da biz g‘alaba qozonishni, keyingi mavsumda yuqoriroq bo‘lishni va klubni munosib o‘ringa qo‘yishni istaymiz", - dedi Pochettino BBC bilan suhbatda.
Angliya Premyer-ligasi mavsumida 38 ta o‘yin natijasiga ko‘ra, London klubi hisobida 63 ochko bor. Londonliklar oltinchi o‘rinni egalladi. Eslatib o‘tamiz, “Manchester Siti” ketma-ket to‘rtinchi bor APLda g‘alaba qozonib, Angliya chempioniga aylandi.
