AS хабарига кўра, "Барселона" дастлаб режалаштирилганидек мавсумни якунида Жанубий Кореяга ўртоқлик ўйини учун бормайди.

"Севилья"га қарши Ла Лигадаги сўнгги ўйинидан сўнг "Барселона" мавсумни ўртоқлик ўйини билан якунламоқчи эди.

Бундан кўзланган мақсад бир неча миллион евро йиғиш ғояси эди.

Нашр хабарига кўра, ўртоқлик учрашуви 28 ва 31 май кунларига режалаштирилган ва энди Жанубий Корея терма жамоасининг тақвимидаги зиддиятлар туфайли ўтказилмайди.

"Барселона"нинг мавсуми 26 май куни якунланишини ҳисобга олсак, улар учун муносиб санани топиш имконсиз бўлиб чиқди.

Эслатиб ўтамиз, бундан икки йил аввал “Барселона” май ойи охирида Австралияга, аниқроғи Сиднейга Австралия Лигаси юлдузларига қарши ўртоқлик ўйини учун йўл олган ва бу ўйинда 3:2 ҳисобида ғалаба қозонган эди.

Ўтган йили улар Японияни танлаб, Андрес Иньеста бошчилигидаги "Виссел Кобе" билан тўқнаш келишган ва натижада 2:0 ҳисобида ғалаба қозонганди.

Бу йил ҳам "Барселона" мавсум тугашидан олдин ўртоқлик ўйини уюштиришга ҳаракат қилди, аммо яқин ойларда бошланадиган Евро ва Америка Кубоги клуб маркетинг бўлимини ҳар қандай қулай вариантлардан истамай воз кечишга мажбур қилди.