"РБ Лейпциг" ҳужумчиси Бенжамин Шешконинг агенти Элвис Басанович мижозининг фаолиятини давом эттириш имкониятлари ҳақида гапирди.
"Бенжаминга Саудия Арабистонининг икки клуби қизиқиш билдирмоқда, аммо бундай трансферга имконият йўқ. Менинг мижозим Европани тарк этмайди. Шешкога Англия Премер-лигаси ва А Серия клублари ҳам қизиқмоқда. "РБ Лейпциг" Шешкони сақлаб қолиш учун барча имкониятларни ишга солмоқда. Клуб бизга жуда яхши таклиф билан мурожаат қилмоқчи", - дейди агент.
20 ёшли Шешко Бундеслигадаги дебют мавсумида 14 та гол ва 2 та голли узатмани амалга оширди. Футболчининг товон пули 60 миллион еврога тенг.
