Тони Кроос футболчилик фаолиятини якунлагани ҳақида гапирди.

Мадриднинг “Реал” клуби ва Германия терма жамоаси ярим ҳимоячиси Европа чемпионатидан сўнг профессионал фаолиятини якунлайди.

"Реал Мадрид ўйинчиси сифатида таништирилган кун, ҳаётимни ўзгартирган кун. Футболчи сифатидаги ҳаётим, лекин айниқса инсон сифатидагисини ҳам. Бу дунёдаги энг катта клубда янги бобнинг бошланиши эди.

10 йил ўтиб, мавсум охирида бу боб тугайди. Мен бу ниҳоятда муваффақиятли даврни ҳеч қачон унутмайман! Мени очиқ юрак билан қабул қилган ва ишонч билдирган барчага алоҳида раҳмат айтмоқчиман. Лекин, айниқса, сизга, азиз мадридистлар, биринчи кундан то охирги кунгача бўлган меҳр ва муҳаббатингиз учун миннатдорчилик билдирмоқчиман.

Футболчи сифатидаги фаолиятим шу ёзда Европа чемпионатидан кейин якунланади. Ҳар доим айтганимдек, "Реал" менинг сўнгги клубим бўлган ва шундай бўлиб қолади. Ўз қарорим учун тўғри вақтни танлаганимдан ва буни мустақил равишда амалга оширишим мумкинлигидан хурсандман ва фахрланаман. Мақсадим ҳар доим ўз қобилиятларим чўққисида фаолиятимни якунлаш бўлган.

Энди менда фақат битта асосий фикр бор: 15-Чемпионлар лигаси кубоги сари олға! Ҳала Мадрид!" – дейди Кроос.