Ёзги Олимпия ўйинларида Эрон терма жамоаси вафот этган мамлакат президенти Иброҳим Раисий номи билан қатнашади. Бу ҳақда Эрон Олимпия қўмитаси раҳбари Маҳмуд Хосрави Вафо маълум қилди.
“Мамлакатимиз томонидан Олимпия ўйинларига юборилган спорт жамоаси Ходем Ал-Ризо (Имом Ризонинг хизматкори) деб номланади”, дейди у.
Раисий фалокатда вафот этгач, президент шиаларнинг энг муҳим авлиёларидан бири Имом Ризонинг хизматкори деб атала бошланди. Имом Ризо мақбараси Эроннинг шимоли-шарқидаги Машҳад шаҳрида жойлашган. Бу Раисийнинг она шаҳри ҳисобланади.
