"Зенит"нинг собиқ футболчиси Александр Кержаков "Қайрат"нинг янги бош мураббийи бўлди, деб хабар беради журналист Иван Карпов ўзининг Телеграм-каналида.
Мутахассиснинг аввалги иш жойи 2023 йилнинг июн ойидан ноябригача бўлган Суботицанинг "Спартак" клуби бўлган. Унинг қўл остида Сербия жамоаси 15 учрашув ўтказиб, 5 та ғалаба, 1 бор дуранг ва 9 та мағлубият қайд этган.
Эслатиб ўтамиз, Қозоғистон клуби сафида Ўзбекистон Олимпия терма жамоаси аъзоси Иброҳимҳалил Йўлдошев ҳаракат қилади. У Кержаков билан аввалроқ "Нижний Новгород" сафида бирга ишлаган.
