"Реал Мадрид" ярим ҳимоячиси Тони Кроос янги шартнома бўйича таклиф олганди, бироқ барибир якунда фаолиятини тугатишга қарор қилди.
34 ёшли футболчи ўз қарорини сешанба куни омма олдида эълон қилди. Журналист Аранча Родригеснинг ёзишича, икки ҳафта олдин “Реал” немис футболчисига меҳнат шартномасини узайтиришни таклиф қилган, бироқ у жавоб бермаган. Ярим ҳимоячи Карло Анчелотти ва Флорентино Пересга бўлган ниятини фақат 19 май куни, "Вильярреал"га (4:4) қарши ўйиндан сўнг маълум қилганди.
Эслатиб ўтамиз, Тони Кроос ўн йилдан бери "Реал"да ўйнамоқда. 1 июнь куни футболчи "Лос-Бланкос"даги сўнгги ўйинини ўтказади - бу Чемпионлар лигаси финалида Дортмунднинг "Боруссия"сига қарши бўлади.
