"Байер" бош мураббийи Хаби Алонсо Европа лигаси финали олдидан жамоасининг муваффақияти ҳақидаги саволларга жавоб берди.
Чоршанба куни "фармацевтлар" мағлубиятсиз мавсум сари сўнгги қадамни қўйишлари мумкин. Леверкузенликлар Европа лигаси финалида Италиянинг “Аталанта” жамоасига қарши майдонга тушади.
“Мураббийлик фаолиятим эндигина бошланмоқда. Келинг, нима бўлишини кўрамиз. Сўнгги бир ярим йил ичида "Байер"да ажойиб воқеалар содир бўлди. Биз жамоа қуриш ва футболчилар ўртасида жуда кўп яхши қарорлар қабул қилдик. Энди бизда ишонч ва тўғри муносабат бор. Ҳамма нарсани бир жойга жамлаш ва боримизни бериш вақти келди", - дейди Алонсо.
