"Брайтон"нинг 32 ёшли ярим ҳимоячиси Паскаль Гросс фаолиятини Германиянинг топ-клуби Дортмунднинг "Боруссия"сида давом эттириши мумкин.
Гап шундаки, "Боруссия"нинг ёздаги мақсадларидан бири янги ярим ҳимоячи топиш. Немис футболчисининг "чайкалар" билан шартномаси тугашига бир йил қолди.
Олдинроқ, Гроссга Бундеслиганинг бошқа, аммо мақоми пастроқ клуби "Айнтрахт Франкфурт" қизиқаётгани ҳам хабар қилинганди.
Ўтган мавсумда Паскаль ўз клуби сафида барча мусобақаларда 47та ўйинда майдонга тушиб, 5та гол ва 13та голли узатмага муаллифлик қилган.