Чоршанба куни эрталаб "Милан" ва "Штутгарт" вакиллари ўртасида учрашув бўлиб ўтди. Milan News хабарига кўра, муҳокама қилган мавзулардан бири ҳужумчи Серу Гирассининг эҳтимолий трансфери бўлган.
28 ёшли Гирасси 2023/2024-йилги мавсумни ажойиб ўтказди, у чемпионат ва Германия кубогининг 30 та ўйинида 30 та гол урди. Гвинеялик футболчининг амалдаги шартномасида 17,5 миллион еврога сотиб олиш опсияси мавжуд.
Шу билан бирга, “Милан” ва “Штутгарт” вакиллари бошқа футболчилар ҳақида ҳам музокара олиб боргани қайд этилган.
