Ҳаммаси Тьяго Мотта "Ювентус"нинг навбатдаги мураббийи бўлиши томон кетмоқда. Ёш мураббий "Болонья"ни Чемпионлар лигасига олиб чиққанидан кейин катта клубда синаб кўриш имкониятини қўлга киритди.
Журналист Жанлука Ди Марционинг хабар беришича, пайшанба куни Мотта "Болонья" президенти билан учрашув ўтказади. Шундан сўнг мураббий "Ювентус" билан шартнома имзолашга тайёр бўлади.
Мотта ва "Ювентус" ўртасидаги шартнома 3 мавсумга мўлжалланган бўлиши кутилмоқда. Мутахассис йилига 5 миллион евро ишлаб олади.
Эслатиб ўтамиз, ўтган ҳафтада "Ювентус" Массимилиано Аллегрини бош мураббийлик лавозимидан бўшатган эди.
