"Манчестер Юнайтед"нинг собиқ ҳимоячиси Рио Фердинанд бош мураббий Маурисио Почеттино билан хайрлашишга қарор қилган Лондоннинг "Челси" клуби раҳбариятини танқид қилди.
"Цирк давом этмоқда. Бу клуб қаёққа қараб кетяпти? Даъвогарлар рўйхатида Себастьян Хёнесс, Энцо Мареска ва Мичелни кўряпман. Тан оламан, булар ўз клубларида муваффақиятга эришган яхши мураббийлар. Аммо биз "Челси" даражасидаги клуб ҳақида гапиряпмиз", - деди Фердинанд.
Эслатиб ўтамиз, Почеттино бошчилигидаги "Челси" Англия Премьер-лигасини олтинчи ўринда якунлади. Жамоа шунингдек, Лига кубоги финали ва Англия кубоги ярим финалига қадар етиб борди.
