Александр Головин L'Equipe нашри томонидан Францияда мавсумнинг энг яхши футболчиларидан бири сифатида тан олинди.
"Монако" ярим ҳимоячиси ўртача ўйин рейтингига кўра, газетанинг Лига 1да мавсум рамзий жамоасига киритилган.
Рамзий жамоа таркиби қуйидагича:
– дарвозабон: Джанлуиджи Доннарумма («ПСЖ»);
– ҳимоячилар: Мелвин Бар («Ницца»), Лилиан Брассье («Брест»), Данте («Ницца»), Ашраф Хакимий («ПСЖ»);
– ярим ҳимоячилар: Александр Головин («Монако»), Пьер Ле-Мелу («Брест»), Такуми Минамино («Монако»), Магн Аклиуш («Монако»), Ромен Дель Кастийо («Брест»);
– ҳужумчи: Килиан Мбаппе («ПСЖ»).
"ПСЖ" бош мураббийи Луис Энрике рамзий жамоага устоз сифатида кўрсатилган.
