"Тоттенхэм" бош мураббийи Анж Постекоглу Тимо Вернернинг келажакда жамоада қолиши ҳақидаги яна бир саволга жавоб берди.
“Шпорлар” немис форвардини “РБ Лейпциг”дан ижара шартномасида келишилган белгиланган суммага сотиб олиши мумкин.
"Бизда якуний қарор қабул қилиш муддати бор, аммо кўп нарса клублар ўртасидаги музокаралар қандай кечиши ва Тимонинг ўзини қандай ҳис қилишига боғлиқ бўлади. Шахсан мен бу вазиятдан мамнунман", - дейди Постекоглу.
Тимо Вернер лондонликлар сафида 14 та учрашувда 2 та гол ва 3 та голли узатмага муаллифлик қилган. 28 ёшли ҳужумчи жароҳати туфайли мавсум якунини ўтказиб юборди.
