"Барселона" ҳимоячиси Маркос Алонсо фаолиятини бошқа испан клубида давом эттиради. Янги мавсумдан бошлаб 33 ёшли футболчи эркин агент сифатида ўтадиган "Атлетико Мадрид"да ўйнайди.
Журналист Рубен Уриянинг сўзларига кўра, агар кутилмаган воқеа содир бўлмаса, келишув амалга ошади. Маркос Алонсо 2022 йилнинг ёзида "Челси"дан "Барселона"га ўтган эди.
Умуман олганда, испаниялик футболчи жамоа сафида барча мусобақаларда 45 та ўйин ўтказиб, 3 та гол урган. Жароҳат билан боғлиқ муаммоларга дуч келган тажрибали футболчи бу мавсумда бор-йўғи саккизта ўйинда майдонга тушди.
