Мадриднинг “Реал” клуби жорий мавсум “Қироллик клуби”да “Эспаньол”дан ижара асосида ўйнаётган ҳужумчи Хоселу борасида ҳалигача бир қарорга келмаган. “Лос-Бланкос” испанияликни бир ярим миллион еврога сотиб олиш имкониятига эга.
Инсайдер Хосе Феликс Диаснинг хабар беришича, Хоселу раҳбарият ва барча жамоадошлар ишончини қозона олди. Бироқ, унинг келажаги ҳали ҳам ноаниқ, чунки икки ҳужумчи Килиан Мбаппе ва Эндрик ёзда "Реал Мадрид" сафига қўшилади.
Эслатиб ўтамиз, 34 ёшли Хоселу Испания чемпионатининг жорий мавсумида 10 та гол урди ва 2 та голли узатмани амалга оширди. "Бавария" билан Чемпионлар лигасининг жавоб ярим финалида форвард дубль қайд этди ва "Реал"га "Уэмбли"га йўлланма олишига ёрдам берди.
