«Милан» ва Франция терма жамоаси дарвозабони Майк Меньян жароҳат олди. Бу ҳақда журналист Фабрицио Романо ижтимоий тармоқдаги саҳифасида маълум қилди.
Манбага кўра, 28 ёшли дарвозабонга чап қўлининг бармоғи чиқиб кетгани ташхиси қўйилган. Қайд этилишича, Меньян келаси ҳафта махсус боғичда юради, шундан сўнг у яна бир кўрикдан ўтади, бу эса футболчининг Европа чемпионатига тиклана оладими ёки йўқ билиш имконини беради.
Эслатиб ўтамиз, турнир 14 июнь куни Германияда бошланади ва 14 июлга қадар давом этади. Франция терма жамоаси Австрия, Польша ва Нидерландия билан бирга D гуруҳида иштирок этади.
