"Байер" Хаби Алонсони бир йилдан кейин "Реал"га кетишини кутмоқда.

Relevo хабарига кўра, Леверкузенликлар ҳозирда бош мураббий бўлиб ишлаётган Алонсо бир кун келиб, эҳтимол 2025 йилда "Реал"ни бошқаришига ишонмоқда.

Мадридликлар ҳам ўз навбатида испаниялик мутахассисни келажакда таклиф қилишдан манфаатдор. Улар Алонсони ёш жамоани ривожлантириш учун идеал мураббий сифатида кўришади.

Қайд этилишича, Мадриднинг “Реал” клуби жорий мавсум бунчалик муваффақиятли ўтишини кутмаганди. Агар Карло Анчелотти қўл остидаги жамоа келаси мавсумда ҳам шундай натижаларни қўлга киритишда давом этса, у ҳолда Алонсонинг тайинланиши масаласи италиялик мураббийнинг шартномаси тугагунига қадар қолдирилади. Анчелотти билан шартнома 2026 йилгача мўлжалланган.