"Валенсия"нинг грузиялик дарвозабони Гиорги Мамардашвили ўтган ёзда "Бавария"га ўтиши мумкинлигини айтди.
“Менинг агентим Мюнхенга квартира топиш учун кетгагди. Лекин, билишимча, якунда улар мен учун 35 миллион евро тўлашдан бош тортишди", - дея Мамардашвилининг сўзларини келтиради журналист Фабрицио Романо.
Дарвозабон “Валенсия” сафида 2022 йилнинг январидан буён ўйнамоқда. Умуман олганда, грузиялик "кўршапалаклар" сафида 99 та ўйинда 110 та гол ўтказиб юборган ва 31 марта ўз дарвозаси дахлсизлигини сақлаб қолган. Унинг шартномаси 2026/27 йилги мавсум охиригача амал қилади.
