Оуэн Харгривз Тони Крооснинг футболчилик фаолиятини якунлаши ҳақида гапирди.
"Реал Мадрид" ва Германия терма жамоаси ярим ҳимоячиси Евро-2024дан кейин фаолиятини якунлайди.
"Мен у 16 ёшида "Бавария"нинг асосий жамоасига тушганини эслайман. У кичкина эди! Президентимизнинг бир кун келиб бу футболчи энг ишонганларимиздан бири бўлади, деганини эслайман ва у ҳақ эди.
Унинг бунчалик буюк бўлишини ҳеч ким башорат қила олмасди, деб ўйлайман. У, эҳтимол, барча даврларнинг энг буюк футболчиларидан бири. Менимча, Кроос тарихдаги энг яхши футболчилардан бири эканлигини исботлади.
Унинг нафақага чиқиши жуда ачинарли, чунки унинг ўйинини ва ўйинга бўлган қарашини ҳисобга олсак, у 38 ёки 39 ёшгача ўйнаши мумкин, чунки у жисмоний кучга таянмайди", деди "Бавария"нинг собиқ ярим ҳимоячиси.