"Болонья" бош мураббийи Тиаго Мотта келаси мавсумдан бошлаб Туриннинг "Ювентус" жамоасида ишлайди. Tuttosport хабарига кўра, италиялик мутахассис "кекса синьора"га ўзи билан икки нафар футболчини олиб кетиши мумкин.
Гап марказий ҳимоячи Рикардо Калафиори ва ҳужумчи Жошуа Зиркзее ҳақида кетмоқда. “Болонья” аввалроқ ҳар икки футболчини жами 100 миллион еврога баҳолаганди.
23 ёшли Зиркзее А Сериянинг ушбу мавсумида 11 та гол ва 4 та голли узатмани амалга оширди. 22 ёшли Калафиори чемпионатда 2 та гол урди ва 5 та голли узатмани амалга оширди.
