"Bolonya" bosh murabbiyi Tiago Motta kelasi mavsumdan boshlab Turinning "Yuventus" jamoasida ishlaydi. Tuttosport xabariga ko‘ra, italiyalik mutaxassis "keksa sinyora"ga o‘zi bilan ikki nafar futbolchini olib ketishi mumkin.
Gap markaziy himoyachi Rikardo Kalafiori va hujumchi Joshua Zirkzee haqida ketmoqda. “Bolonya” avvalroq har ikki futbolchini jami 100 million yevroga baholagandi.
23 yoshli Zirkzee A Seriyaning ushbu mavsumida 11 ta gol va 4 ta golli uzatmani amalga oshirdi. 22 yoshli Kalafiori chempionatda 2 ta gol urdi va 5 ta golli uzatmani amalga oshirdi.
