Мадриднинг “Реал” клуби бош мураббийи Карло Анчелотти ярим ҳимоячи Лука Модрич ва ҳимоячи Начо Фернандеснинг келажаги ҳақидаги саволга жавоб берди. Ҳар икки футболчининг амалдаги шартномаси мавсум охиригача амал қилади.
"Начо кетаётгани, Модрич қолгани ростми? Бу клуб афсоналари ўз келажагини ўзлари танлайди, мен буни доим айтганман. Кроос ўз қарорини қабул қилди ва биз уни ҳурмат қиламиз. Аммо шундай футболчилар борки, улар бошқача қарор қилиши мумкин.
Начо ҳали якуний қарорини қабул қилмаган. У кейинроқ қарор қабул қилади, ҳозир бор эътиборини Чемпионлар лигаси финалига қаратган", - деди Анчелотти жума куни бўлиб ўтган матбуот анжуманида.
