"Манчестер Сити" бош мураббийи Пеп Гвардиола "Манчестер Юнайтед"га қарши Англия кубоги финали олдидан Эрик тен Хаг ҳақида гапирди.
“Тен Хаг кўп яхши ишлар қилди, мен унинг ишини жуда ҳурмат қиламан. "Манчестер Юнайтед" бу мавсумда жароҳатлар кўплигини ҳисобга олиб, тўлиқ таркибга эга бўлмаганини айтганида мен унинг фикрига қўшиламан. Мен доим ўйинчиларни формада сақлашга эътибор қаратаман, акс ҳолда биз улардан фойдалана олмаймиз.
"Манчестер Юнайтед"да кадрлар билан боғлиқ муаммолар кўп эди. Бундай вазиятларда мураббийлар қийналади. Уларнинг таркиби ҳақиқатан ҳам яхши, аммо барча ўйинчилардан фойдалана олмасангиз, бу муаммо бўлади”, деди Гвардиола матбуот анжуманида.
