ПСВ собиқ бош мураббийи Руд ван Нистелрой Саудия Арабистонига боришга тайёрми ёки йўқми деган саволга жавоб берди.
“Саудия Арабистонига мураббийлик қилиш учун бораманми? Ҳали эмас. Мураббийликдаги иккинчи қадамим мен учун жуда муҳим, қандай мураббий эканлигимни бутун дунё кўришини истайман.
Нидерландияда буни тушуниш мумкин, лекин мен буни чет элда кўришни хоҳлайман. Аниқ ўйин моделига эга бўлган клубда ишлашни хоҳлайман, шунда техник директорлар ушбу футболни ривожлантириш учун қандай профиллар кераклигини билишади. Ўсиб бораётган яхши таркибга эга жамоа қидиряпман ва бу борада ёрдам бера олсам, яхши бўларди", - дейди Ван Нистелрой.
47 ёшли собиқ ҳужумчи Руд ван Нистелрой 2022 йил июлидан 2023 йилнинг майигача ПСВ Эйндховен клубини бошқарган, у бош мураббий этиб тайинлангунга қадар унинг тизимида ишлаган.
