«Краснодар»нинг собиқ футболчиси Максим Деменко ЦСКА ярим ҳимоячиси Аббосбек Файзуллаев ҳақида ўз фикрлари билан ўртоқлашди.
Деменконинг фикрича, 20 ёшли Файзуллаев жорий мавсумнинг энг яхши ёш футболчиси сифатида тан олиниши керак.
“ЦСКА ажойиб харидни амалга оширди ва бу ёш футболчи аллақачон етакчилик фазилатларини намоён этмоқда. Ҳозир ЦСКАни Файзуллаевсиз тасаввур этиб бўлмайди. У ўйин ўйнайди, тажриба орттиради ва доимо ривожланиб боради", - дея Деменконинг сўзларини келтиради Чемпионат.
Жорий мавсумда Файзуллаев ЦСКА сафида 31 та ўйинда майдонга тушиб, 5 та гол урди ва 13 та голга ассистентлик қилди.
