Тони Кроос “Сантьяго Бернабеу” стадиони билан хайрлашди.
"Реал" ярим ҳимоячиси Евро-2024 якунида футболчилик фаолиятини якунлайди. Шанба куни у Мадриддаги сўнгги ўйинини - Ла Лига доирасида "Бетис"га (0:0) қарши ўтказди.
“Мен “Реал Мадрид” мухлислари, клуб, жамоадошларим, стадионга фақат раҳмат айтишим мумкин... Шу 10 йил давомида мен бу ерда ўзимни доим ўз уйимдагидек ҳис қилардим, кўпроқ нарсани талаб қила олмадим ва бу унутилмас 10 йил бўлди.
Сиз бу ерда ҳар икки ҳафтада ўйнайсиз, лекин бу жой алоҳида эканлигини сезасиз. Келажакда ҳам шундай бўлиб қолади”, - деди Кроос.
