Энцо Мареска "Лестер"ни яна Премьер-лигага қайтарди, бу эса анча кучли клубларнинг эътиборини тортди. 44 ёшли мутахассис "Севилья"дан тушган таклифни аллақачон рад этган, унинг устуворлиги - Премьер-лигада ишлаш.
Нуфузли инсайдер Фабрицио Романонинг ижтимоий тармоқларда хабар беришича, ҳозирда Мареска музокаралардан сўнг "Челси"нинг қарорини кутмоқда. “Лестер” ҳам Лондон клубининг навбатдаги қадамини кутмоқда. Энцонинг амалдаги шартномасида 10 миллион еврога сотиб олиш имконияти мавжуд.
Эслатиб ўтамиз, Энцо Мареска аввалроқ “Манчестер Сити”да Хосеп Гвардиоланинг мураббийлар штабида ишлаган. Ёш мураббий ўтган ёзда “Лестер”ни қабул қилиб олганди.
