"Интер"нинг арманистонлик ярим ҳимоячиси Генрих Мхитарян ўтган йилги Чемпионлар лигаси финалини эслади.
"Ўша учрашувда мағлуб бўлишга лойиқ эмасдик. Мен яна Чемпионлар лигаси финалида ўйнаб, у ерда ғалаба қозонишни истардим. Баъзи нарсалар ҳаётда бир ёки икки марта содир бўлади. Биз қаерда яхшилашимиз мумкинлигини тушуниш учун кўп нарсаларни муҳокама қилдик ва бу "Интер"ни янада кучлироқ қилди", - деди футболчи.
Эслатиб ўтамиз, "Интер" ва "Манчестер Сити" ўтган йилнинг 10 июнь куни Туркиянинг Истанбул шаҳридаги "Отатурк" стадионида учрашган эди. Учрашув 1:0 ҳисобида "шаҳарликлар" фойдасига ҳал бўлгганди. Мхитарян 2022 йилдан бери "Интер"га тегишли. Жорий мавсумда 35 ёшли футболчи барча турнирларда 46 та ўйин ўтказиб, 2 та гол урди ва жамоадошларига 11 та голли узатма берди.
