Яқинда Килиан Мбаппе мавсум якунида "ПСЖ"ни тарк этишини эълон қилди. Футболчи тез орада янги клуби номини айтишга ваъда берди, аммо бу клуб "Реал Мадрид" бўлиши анчадан бери аён бўлганди.
Мадрид жамоасининг юлдуз ҳужумчиси Винисиус Жуниор франциялик футболчининг ёзги трансфери ҳақида бир неча сўз айтди.
“Килиан яқин орада ўз келажагини ҳал қилиши ва ўзи учун энг яхшисини танлаши мумкин. Мен ҳар доим дунёнинг энг яхши футболчилари билан ўйнашни хоҳлайман. Аммо Мбаппенинг ўзи қарор қилиши керак", - дейди Винисиус.
Мадрид клуби навбатдаги ўйинини 1 июнь, шанба куни Чемпионлар лигаси финалида “Боруссия”га қарши ўтказади.
