"Жирона" устози Мичел Испания чемпионатида мавсумнинг энг яхши мураббийи совринини олди.
48 ёшли мутахассис бошчилигидаги каталонияликлар жамоаси сенсацион тарзда Чемпионлар лигаси йўлланмасини қўлга киритиб, Ла Лига турнир жадвалида 3-ўринни эгаллади.
81 очко тўплаган "Жирона"дан фақатгина "Барселона" (85) ва "Реал Мадрид" (95) юқорироқ ўринни эгаллаган.
Бундан ташқари, "оқ-қизиллар" 85 та гол уришди - ўша "Реал"дан кейинги иккинчи кўрсаткич. Мичел 2021 йилнинг ёзидан бери “Жирона”ни бошқариб келмоқда.
Мураббийнинг амалдаги шартномаси 2026 йилнинг ўрталаригача амал қилади.
