Мадриднинг “Реал” клуби марказий ҳимоячиси Антонио Рюдигер Лука Модрич ва Тони Кроос кетганидан кейин жамоа етакчиси бўла оладими, деган саволга жавоб берди.
Эслатиб ўтамиз, Кроос Евро-2024 дан кейин профессионал фаолиятини якунлайди.
“Ҳамма нарса бир кун келиб тугайди. Афсуски, Тони фаолиятининг охирги қисмлари келди. Биз уни соғинамиз, чунки у ноёб ва алмаштириб бўлмайдиган футболчи. Модрич? У ҳали ёш (кулади).
Лука яхши ўйнайди ва бақувват ҳаракат қилади. Улар кетганидан кейин мен раҳбар бўла оламанми? Мен буни қила оламан деб ўйлайман.
Мен ички муҳитда етакчиси эмасман, мени ҳаракатлар етакчиси деса бўлади", — дея Рюдигернинг сўзларидан иқтибос келтиради El Mundo.
