Дортмунднинг “Боруссия” клуби ҳимоячиси Матс Хуммельс келажаги ҳақида фикр билдирди.
35 ёшли футболчининг амалдаги шартномаси июнь ойи охиригача амал қилади.
"Менда учта вариант бор: “Боруссия”да қолиш, фаолиятимни тугатиш ёки бошқа клубга ўтиш. Карьерамни тугатиш ҳозирда энг эҳтимоли паст вариантдир.
АҚШга кўчиб ўтиш бундан мустасно. Агар клубни ўзгартирсам, Европада қоламан", - дея Хуммельснинг сўзларидан иқтибос келтиради журналист Фабрицио Романо Bild нашрига таяниб.