«Манчестер Сити» ярим ҳимоячиси Кэлвин Филлипс ўзини «Барселона»га таклиф қилди. Бу ҳақда Испаниянинг "Sport" нашри ўз саҳифаларида хабар беради.
«Барселона» ёзги трансфер ойнасида бир ёки ҳатто иккита ярим ҳимоячи билан шартнома имзоламоқчи. Клуб Филлипснинг истагини билади ва футболчини қадрлайди, аммо қарор қабул қилишга шошилмаяпти. «Кўк-анорранглилар» қишда Кэлвинга қизиқиш билдиришган, аммо кейин Витор Роке билан шартнома имзоланган.
28 ёшли Филлипс Премьер-лигада бир нечта вариантга эга, аммо Чемпионлар Лигаси ва яхши спорт лойиҳаси учун Англияни тарк этишни афзал кўради. «Манчестер Сити» ярим ҳимоячини тахминан 30 миллион еврога сотишга тайёр, бироқ бошқа ижара варианти ҳам бекор қилинмаган. Филлипс 2023/2024 йилги мавсумнинг иккинчи қисмини «Вест Хэм»да ўтказди.
