Родриго “Манчестер Сити” Чемпионлар лигасида “Реал”дан яхшироқ бўлганини тан олди.

Мадрид клуби чорак финал босқичида “шаҳарликлар”ни турнирдан чиқариб юборди (3:3, 1:1, пен. 4:3). Чемпионлар лигаси финалида “Лос-Бланкос” Дортмунднинг “Боруссия” жамоаси билан тўқнаш келади.

“Тўғрисини айтсам, биз улар яхшироқ эканини билардик. Мен учун бу дунёдаги энг яхши футбол ўйнайдиган энг яхши жамоа.

Менимча, энг қийин рақиб аллақачон йўқ қилинган, аммо бу финалда ғалаба қозониш энди осон бўлади дегани эмас. “Бавария”га қарши ўйин жуда қийин бўлди, “Боруссия”га қарши ҳам қийин бўлади”, деди “Реал” қанот ҳужумчиси.