"Ювентус" ярим ҳимоячиси Адриен Рабио клубдан янги шартнома бўйича таклиф олди.

Франциялик футболчининг амалдаги шартномаси бир ойдан кейин тугайди, аммо "кекса синьора" раҳбарияти ярим ҳимоячи билан ҳамкорликни давом эттиришдан манфаатдор. La Gazette Dello Sport хабарига кўра, "Ювентус" Рабьога йилига 7,5 миллион евро маош билан уч йиллик шартнома таклиф қилган. Тез орада футболчининг жавоби кутилмоқда.

Адриен Рабьо 2019 йилдан бери туринликлар сафида ўйнаб келмоқда. Ўтган мавсумда у 35 та ўйинда қатнашиб, бешта гол ва учта голли узатмани амалга оширди.