"Yuventus" yarim himoyachisi Adriyen Rabio klubdan yangi shartnoma bo‘yicha taklif oldi.

Fransiyalik futbolchining amaldagi shartnomasi bir oydan keyin tugaydi, ammo "keksa sinyora" rahbariyati yarim himoyachi bilan hamkorlikni davom ettirishdan manfaatdor. La Gazette Dello Sport xabariga ko‘ra, "Yuventus" Rabyoga yiliga 7,5 million yevro maosh bilan uch yillik shartnoma taklif qilgan. Tez orada futbolchining javobi kutilmoqda.

Adriyen Rabyo 2019 yildan beri turinliklar safida o‘ynab kelmoqda. O‘tgan mavsumda u 35 ta o‘yinda qatnashib, beshta gol va uchta golli uzatmani amalga oshirdi.