"Интер" ҳужумчиси Маркус Тюрам Италиядаги илк мавсумига баҳо берди.

Франциялик футболчи ўтган ёзда эркин агент сифатида “нерадзуррилар”га ўтган эди. Симоне Индзаги жамоаси таркибида форвард 46 та ўйинда майдонга тушиб, 15 та гол ва 14 та голли узатмани амалга оширди, шунингдек, А Серия ғолибига айланди.

"Бундай мавсумдан кейин ўзимга ҳеч қандай чекловлар қўймоқчи эмасман. Ҳозир мен фаолиятимдаги энг яхши даврни бошдан кечирмоқдаман. Ҳар йили ўзимни яхшилай олишимни исботлашга муваффақ бўлдим - тактик нуқтаи назардан ҳам, статистика бўйича ҳам. Қанот футболчиси сифатида ўйнаш мен учун ўтмишда қолди - энди мен марказий ҳужумчиман", - деди 26 ёшли футболчи Le Monde нашрига берган интервьюсида.