"Реал" ҳужумчиси Родриго жамоадошларидан қайси бири унинг ривожланишига кўпроқ таъсир қилганини айтди.
Бразилиялик футболчи 2019 йилда "Сантос"дан "Реал" сафига қўшилганди. Ўшандан бери форвард испан гранди сафида 215 та ўйин ўтказиб, 54 та гол ва 41 та голли узатмани амалга оширган. Шанба куни 23 ёшли футболчи ўз фаолиятида иккинчи марта Чемпионлар лигасида ғалаба қозониши мумкин, унинг жамоаси финалда Дортмунднинг "Боруссия"си билан ўйнайди.
"Мен Модричдан бошқалардан кўра кўпроқ ўргандим, у менга доим ёрдам берди. Менда унга алоҳида меҳрим бор. Биз тез-тез ота ва ўғил каби гаплашамиз ва ҳазил қиламиз", - деди Родриго DAZN нашрига берган интервьюсида.
