"Барселона" тажрибали футболчиси Серхи Роберто ҳозирги вазиятдан ҳайратда.
Куни кеча маълум бўлишича, 32 ёшли футболчининг амалдаги шартномаси узайтирилмаслиги мумкин, гарчи яқин вақтгача ҳаммаси шартномани узайтириш томон кетаётган эди. Журналист Габриел Санснинг сўзларига кўра, "кўк-анорранглилар" сардори янги шартнома имзоланиши кечикаётганидан ҳайратда.
Молиявий фейр-плей муаммолари туфайли "Барселона" футболчиларни рўйхатдан ўтказишда қийналмоқда. Серхи Роберто қурбон бўлиши мумкин: баъзи маълумотларга кўра, ҳозир клубнинг устувор вазифаси бошқа футболчиларни рўйхатдан ўтказиш.
Роберто 2006 йилдан бери "Барселона" тизимида. У жамоа сафида 373 та ўйин ўтказган.
